Mane aia thiam an awm lo

AFCON Player of the tournament atan Sadio Mane thlan a ni a, Senegal forward chhuanvawr hian he award dawn hi a phu takzet - an champion theih nan goal thum a khung bakah assist vawi hnih a nei a, Senegal tan an innghahna a ni.

Final boruak sangah penalty a pet goal lo a, penalty hmanga chak zawk zawn a ṭul zui - player tam tak an bihruknaah Mane a biru duh lo a, Senegal tan boruak sang tak hnuaiah penalty a pet nawn sak bawk.

Goalkeeper of the tournament atan Édouard Mendy thlan a ni a, chutihrual chuan Chelsea keeper aia Gabaski-a'n dawn a phu zawk titu an tam ang. Egyptian keeper hi first choice keeper pawh a ni lo - last 16-a first choice keeper Mohamed El Shenawy a inhliam hnuah a hmun ruak a luah a, a luah hneh hle.

Final-ah pawh man of the match atan thlan a ni a, Senegal nen penalty-a an intum hma khan tun inelnaah penalty vawi li a dang tawh - Zamalek keeper hian mittui nen AFCON mangṭha mah se inelna a hmang ṭha hle.

Cameroon captain Vincent Aboubakar chuan goal riat khungin ani aia khung hnem an awm lo a, final-ah a team hruai thleng zo ta lo mah se top scorer ni chungin AFCON a khar thei.