India an chak awlsam

India leh West Indies chuan Pathianni tlai khan ODI match thum an khelh tura hmasa ber chu Narendra Modi Stadium-ah an khelh ṭan a, wicket rurkin an chak. Windies hian 176 runs chauh an siam a, Men in Blue hian over 28 lekah 178/4 runs siamin target an umpha.

India-in vawm hmasak an thlang a, mikhual team tan Jason Holder (58) che ṭha mah se batter dang an che ṭha lo. Run 20 tling thei dang chu all rounder Fabian Allen chauh a awm a, over 43.5-ah 176 runs siamin an thi fai vek.

Mualneitu tan Yuzvendra Chahal a che ṭha a, wicket li lain 49 runs chauh a pe a, player of the match-ah an thlang. Washington Sundar pawhin wicket thum lain 30 runs chauh a pe bawk.

India tan captain thar Rohit Sharma a che ṭha a, 60 runs a vaw chhuak. Captain hlui Virat Kohli-a'n 8 runs chauh siam mah se Suryakumar Yadav (34*) leh Deepak Hooda (26*) ten over 28 lekah India hi an chakpui.

Men in Blue leh West Indies hian February 9, Nilaini tlai dar 1:30 hian Narendra Modi Stadium-ah ODI match vawi hnihna an khel leh ang.