Hamilton a inlar leh ta

Formula 1 title a hloh aṭangin thla hnih deuh thaw chu mipui hmuhah a inlan lo a, tunah chuan season thar hmachhawn turin Lewis Hamilton chu mipui hmuh turin a in pho chhuak ve leh ta.

Season hmasa intlansiak hnuhnung ber Abu Dhabi Grand Prix-ah Hamilton hi chak tura ngaih a ni a, champion hnem record a siam hman teuh hle. Mahse, lap hnuhnung berah Max Verstappen-a'n tlan pelin a champion khalh daih.

Red Bull thil tih danah Hamilton leh a team Mercedes an lawm lo a, thuneitu sang lamah an thleng. F1 lam chuan ngaihtuah a nih tur thu sawi mah se result tih danglamna erawh a awm thei ta chuang lo.

Britain tlangval hian social media-ah, "Ka tawm reng a, tunah chuan ka lo kir e," tiin a tarlang a, amah ṭantu leh F1 tui mite titi pakhat a tling leh nghal. Car intlansiakna season thar hi March thla aṭangin an tlan ṭan leh tawh dawn a ni.