Man United an insiam ṭha thei dawn em?

Manchester United-in kartawp khan FA Cup-ah Middlesbrough hneh loin an tla a, zanin dar 1:30 hian Premier League-a Burnley hmachhawn turin Turf Moor an tlawh ang.

Ralf Rangnick-a hnuaiah Man United-in result ṭha neih an harsat a, Boro an hmachhawn ṭum pawhin goal khungna chance an ngah chungin minute 120 chhungin goal khat chiah an khung.

German manager hian squad a siksawi ngei a rinawm a, FA Cup-a inlan lo keeper David de Gea, Edinson Cavani leh Alex Telles bakah bench-a awm Fred ten bul an ṭan a nih pawhin a mak lo ang.

Burnley hi tla thei dinhmuna ding an nih avangin tawh an khirh dawn a, kartawpa Watford nen an inhnehtawk ṭumin player thar thar Wout Weghorst a tal na tawk lo.

Clarets boss Sean Dyche-a'n Man United an mikhual hunah Weghorst leh Maxwel Cornet te inkawp rem theih a beisei ang a, chutihrualin an ngaih pawimawh ber tur erawh tlarhnung ven him a ni ang.