Wozniacki-i'n WTA Finals a hnaih

Caroline Wozniacki chuan season tawp dawna khelh tur WTA Finals-a inlan phak turin kawng dik a zawh zel, Denmark nula hian China Open last 16 lut turin Petra Martic chu 705, 6-3 in an hneh a, a match lehpekah chuan Anett Kontaveit nen an inkhel ang.

Australian Open champion Wozniacki hian season chawhnu lam a hmang ṭha lo a, Wimbledon leh US Open-ah te khan second round pawh paltlang zo loin a tla. China Open-ah hian semifinal a thleng phak a nih chuan WTA Finals a khel phak dawn a ni.

Inkhel dangah Anastasija Sevastova chuan Donna Vekic chu 6-3, 6-2 in a hneh. Latvian nula hian WTA Finals khel phak tur chuan tun inelnaah hian nomawi a chawi a ngai dawn.

Dominika Cibulkova pawhin set hmasa a hloh zet hnuah Sloane Stephens chu 4-6, 6-2, 6-3 in a hneh let - American nula lakah hian 2015 hnu lama a vawi khat nan hnehna a chang ve leh chiah a ni.