Jayaram-a'n second round a lut

Nilaini khan Indian shuttler Ajay Jayaram chuan, Japan tlangval Hashiru Shimono hneh­in Chinese Taipei BWF World Tour Super 300 tournament-ah second round a lut.

Vietnam Open finalist Jaya­ram hian darkar khat chhungin 18-21, 21-17, 21-9 in hnehna a chang a, second round-ah chuan Denmark shuttler Kim Bruun nen an inkhel leh ang.

India tlangval dang Sourabh Verma pawhin khawtual player Chia Hao Lee chu 18-21, 21-16, 21-13 in a hneh a, Verma hian game hmasa ber a hloh a, mahse minute 52 an inkhelh hnuah a chak zawkah a ṭang leh thei.