Fan-ten min lawm ang - Khabib

Pathianni zinga Conor McGregor nena inhmachhawn tur Khabib Nurmagomedov chuan fan-ten a 'fight' avanga an la ngainat tur thu a sawi chhuak.

Las Vegas khawpuia UFC 229 neih turah Khabib Nurmagomedov hian a champion kawnghren kawl lai UFC lightweight chu McGregor lakah humhim a tum dawn.

Nilaini khan fans hmaah an inpuahchahna pholan a ni a, he hun chhimtu mipuite chuan an au el nasa hle. Mahse, Russian fighter hi a zam phah lo.

Kum 30 mi Khabib chuan, "Ni thum hnu lawkah chuan mi in la ngaina dawn. Ka tiam ngam che u a ni, min la ngaina em em ang," tiin fan-te lawm zawng tak fight a phochhuah tur thu a sawi.

UFC 229 hi Sony ESPN chuan live-a en theih turin a pe chhuak dawn a, zing dar 7:30 aṭangin fight a awm ṭan dawn a ni.