BVT leh Ramhlun North chak thei lo

Mc Dowell's No. 1 Soda Mizoram Premier League Season 7-ah Bethlehem Vengthlang leh Ramhlun North ten chak an la nei lo, nimin tlai khan club pahnih hi 2-2 in inhnehtawk.

Table mawngphah inkhelah hian Bethlehem Vengthlangin Laldinliana Varte leh Jonathan Lalhriatkima te hmangin vawi hnih hma an hruai a, Ramhlun North-in Lalnunzama leh Lalliansanga te hmangin an sut ve ve.

Lawm lo pahnih

Ramhlun North-in champion tumin foreigner pathum leh Mizo player ṭha an lalut a, amaherawhchu match ruk khelh zawhah point hnih chiah an hlawh chhuak.

BVT erawh MPL inhamtan hram tum an ni a, player naupang nen bul ṭan mah se chak lo reng erawh an duh bik lo. October thla transfer-ah Lalchhuanpuia leh Lalmuanzova te an lalut a

Engtin zel?

Ramhlun North tan semifinal thlir theih a ni tawh lo a, relegate loh an thlir hmasak a ṭul. Coach F. Lalrozara'n banna a thehluh hnuah a thlakna an la nei lo a, an chet ran loh chuan hmabak a thim.

BVT lan dan erawh a dang ta, an inrem fuh chuan eng team pawh hneh thei an ni tawh a. Chutihrualin an tum tur chu relegate loh a la ni reng.

Bethlehem VT 2 - 2 Ramhlun North
BVT : Laldinliana Varte 45+3'; Jonathan Lalhriatkima 63'
RNFC : K. Lalnunzama 57'; Lalliansanga 75'
MoM : K Lalnunzama, RNFC