Hamilton duhsaktu Bottas

Valtteri Bottas chuan a ṭul a nih phawt chuan Lewis Hamilton pui tura a la inpeih reng thu a sawi a, driver championship inelna a la tawp hma chuan Mercedes team hian Bri­tain tlangval an duh­sak chhunzawm dawn tihna a ni.

Pathianni chawhma dar 10:40 hian Suzuka Circuit-ah Japanese Grand Prix tlan a ni dawn a, Zirtawpnia practice an tlan hmasak berah Hamilton-a'n hnehna a chang. Point 50 zeta hma hruai fal tawh Hamilton hian Ferrari driver Sebastian Vettel a hneh leh thei a nih chuan a vawi nga nana champion turin a dinhmun a ṭha tawh khawp ang.

Intlansiak hnuhnung ber Russian Grand Prix-ah khan pole position aṭanga bul ṭantu Bottas-a'n hma a hruai a, mahse team thupek angin a teammate Hamilton chu a intlan pelh tir.

Bottas chuan, "Team hmanga infiamna a ni a, tun hmain Michael Schu­­macher leh Rubens Barrichello te pawhin an lantir tawh," tiin 2002 Austrian Grand Prix-a Barri­chello-a'n Ferrari car a khalhpui Schumacher kawng a ken thu a sawi chhuak.