Kolkata khawpuiah Highlander an chak

NorthEast United chuan Ningani zan khan Kolkata khawpuiah ATK an lenchilh a, hun tawp nan minute khat chauh a awm tawh tiha Rowllin Borges goal khung hmangin hnehna an chang.

Kolkata khawpuia inkhelah Mizo tlangval a langsar a, a lansarh dan erawh a lawmawm lo. Minute 32-na lekah Lalhmangaihsanga Ralte chu a yellow card pahnihna a hmuh avangin hnawhchhuah a ni a, ATK-in hun tam zawk player 10-in an khel.

North Mualcheng tlangval Sena Ralte hnawhchhuah a nih avang hian ATK coach Steve Coppell-a'n a duh aia hmaa substitution a siam a ṭul a, minute 37-naah Aizawl FC midfielder hlui Jayesh Rane lachhuakin Durtlang tlangval Ricky Lallawmawma a luhtir.

ATK coach Coppell chuan, "Player 10-in 11 hmachhawn chu a hautak a, ka player chet dan kha a atthlak a, a thiam loh a ni," tiin Sena a chhan duh lo.

NorthEast United tan Robert Lalthlamuana chuan inkhel bul a ṭan a, bench aṭangin Lalṭhathanga Khawlhring chu luhtir a ni bawk.

Zanin Inkhel Tur
Chennaiyin FC 7:30 PM FC Goa
October 7, Pathianni Zan
Bengaluru FC 7:30 PM Jamshedpur FC