Jayaram chak laiin Verma a tla

Indian shuttler Ajay Jayaram chuan Chinese Taipei BWF World Tour Super 300 tournament khelh mekah quarterfinal a lut a, hetihlai hian India player dang Sourabh Verma erawh a chak lo thung.

Ningani inkhelah world number 13 hlui Jayaram hian Kim Bruun chu 21-10, 22-20 in a hneh a, Denmark laka hnehna chang tur hian minute 37 bak a mamawh lo. Kum 30 mi Jayaram hian a match lehpekah chuan Lee Zii Jia a hmachhawn leh dawn a ni.

National champion pawh ni tawh Sourabh Verma tan erawh ni duhawm lo a ni thung. Verma hi Japanese tlangval Riichi Takeshita hmaah 21-19, 21-23, 16-21 in a tlawm a ni.