UFC 229: McGregor vs Khabib Fight ropui chhawpchhuah a ni dawn ta
Pathianni zing dar 7:30-ah UFC 229 neih a ni dawn ta a, he 'fight' runpuiah hian Conor McGregor leh Khabib Nurmagomedov te an intawng dawn.
Kum hnih deuhthaw a chawlh hnua Octagon lut leh tur McGregor chuan, "Khabib hian tu nge roreltu diktak chu a hria ang," tiin a khingpui tur a vau lawk a, UFC lightweight kawnghren nen hnehna hla chham ngei a tum.
Khabib Nurmagomedov chuan, "Fan-te hian min la ngaina ang," tiin McGregor a hneh tur thu a lo sawi tawh a, a sulhnu thlirin beiseina a nei sang hi a awm lo hran lo.
Tlai phawt!
Ningani zan khan fighter pahnih hian press conference-ah thuthar thehdarhtute an kawm a, a hun taka thleng Khabib-a'n minute 26 ngawta tlai McGregor a nghak duh lo a, a hunah tak press conference a nei!
Traffic Jam chhuanlamtu McGregor chuan Khabib chu amah zah tawk loah a puh a, "Khabib hian a hmaa ding hi a hre turah ka ngai a, tunah chuan khawiah nge a tlanchhiat ka hre lo," a ti!
Irish fighter chuan, "Irish tlangval hi hneh theih a ni ngai lo ang. Pathianni zingah chuan mi zawng zawng lawmna ka thlen ka beisei a, he hmuna ka lo kir leh thei hi ka lawm a ni," tiin a sawi.
Kir lehna
November 2016 khan McGregor hian Eddie Alvarez a hneh a, featherweight kawnghren a kawlsa belhchhahin lightweight kawnghren a hlawh chhuak.
Mahse, Floyd Mayweather nen boxing lama an inhmachhawn avangin Irish fighter hi UFC lamah a inlan leh lawk lo a, hei vang hian a kawnghren kawl lai pahnih hi hlih sak a ni.
Nurmagomedov nen an inhmachhawn aṭanga pound maktaduai 38 a hlawhchhuah theih beiseitu fighter chuan, "Khabib hmaah hian zahngaihna lantir ka tum lo," a ti.
Octagon-ah zawk le...
Kum 30 mi Khabib Nurmagomedov hian vawi 26 fight a hmachhawn tawhah hnehna a la chang vek a, MMA chanchinah hetianga rei a zawna chak thei an la awm ngai lo.
Russian fighter chuan, "Conor hian a duh duh sawi turin zalenna a nei a, mahse tumahin an bengkhawn lo. Cage chhunga kan luh hunah tu nge 'ṭawng thei' zawk chu kan hria ang chu.
"Ka tan chuan hei hi ka title humhim tumna a ni satliah lo a, mimal taka inbeihna a ni zawk. UFC chanchina fight ropui ber a ni dawn a, ka tana erawh thil dang zawng aiin ani hneh hi a pawimawh a ni," tiin Irish fighter hneh turin a inpeih.
Thil thlen dan
September 2015 - McGregor-a'n Jose Aldo hnehin UFC featherweight champion a ni.
September 2016 - McGregor-a'n Eddie Alvarez hnehin UFC lightweight champion a ni.
November 2016 - Featherweight-ah a inlan chhunzawm loh avangin McGregor kawnghren chu hlih sak a ni.
August 2017 - MMA aṭanga a chawlh lailawk laiin McGregor-a'n boxing ring chhung a rap a, Floyd Mayweather chuan round 10-naah a lo knockout.
April 2018 - McGregor-a lightweight kawnghren hlih sak a ni leh a, Khabib Nurmagomedov hnenah hlan a ni.
April 2018 - Barclays Center, New York-ah McGregor leh a ṭhianten UFC fighter rual chuanna bus an bei a, hetah hian Nurmagomedov a chuang tel.
July 2018 - McGregor hi a chet dan mawi lo tak avang hian ni nga chhung mipui vantlang tana hnathawk tura tih a ni.
August 2018 - Nurmagomedov nena UFC lightweight kawnghren inchuh turin McGregor chu MMA-ah a lo kir dawn tih puan a ni.
UFC 229 - Main Card-a inhmachhawn tur
Weight class Hming Hming
Lightweight Khabib Nurmagomedov vs. Conor McGregor
Lightweight Tony Ferguson vs. Anthony Pettis
Light Heavyweight Ovince Saint Preux vs. Dominick Reyes
Heavyweight Derrick Lewis vs. Alexander Volkov
Women's Strawweight Michelle Waterson vs. Felice Herrig
Note: Pathianni zing dar 7:30-ah fight hi ṭan a ni ang a, Sony ESPN-ah live-in a en theih ang.