Southgate tan contract thar

England coach Gareth Southgate chuan Three Lions enkawl chhunzawm turin kum 2022 thleng atan contract thar a ziak a, World Cup 2022 thleng chu England a kaihruai dawn tihna a ni.

Kum 28 hnua a vawi khat nana World Cup semifinal-a England hruai thlengtu coach hian kum khatah pound maktaduai thum a hlawh dawn niin an sawi a, a hmaa a hlawh zat pound maktaduai 1.5 vel aṭangin a punna hi a tam hle.

Southgate chuan, "Kan hmaa major tournament inchhawp pahnih, Euro 2020 leh World Cup 2022 thleng England hruaina hun ṭha ka nei leh tur hi ka lawm a ni," a ti a, a assistant Steve Holland chuan 2022 thleng turin contract thar a ziak ve bawk.