Spurs an chak ve leh ta

Champions League-a Barcelona an hneh loh hnu lawkah Tottenham Hotspur an chak ve leh ta a, Inrinni zan khan an mikhual Cardiff City chu 1-0 in an hneh.

Spurs tan Eric Dier chuan minute riatna lekah goal hmahruai a khung a, Cardiff-in sut tum viau mah se minute 58-naah Joe Ralls hnawhchhuah a nih avangin a kim loa khel mikhual team tan si phurh sut a harsa tawh.

Tottenham manager Mauricio Pochettino chuan, "Hmahruaitu kan phak lohna chu point khat chiah a ni tawh a, mahse hnathawh tur tam tak kan la nei a ni. Kan match leh khel turin kar hnih hun kan la nei a, mahse a harsa dawn chauh a ni," a ti.

Nizan khan Manchester City leh Liverpool an inkhel a, he thu buatsaih a nih lai hian result kan hre hman lo a, Poch-a thusawi lai hi chuan team pahnih ai hian point khat chiahin an hnufual.

Nizan inkhel result a zirin an inthlauhna erawh a la danglam leh thei ang.