Mizoram U19 chak thei lo

Vinoo Mankad Trophy Under 19 One Day Limited Overs Zonal League khela feh chhuak Mizoram U19 an chak thei lo a, match hnih an khelh tawhah an la chak lo ve ve!

Mizoram hian Zirtawpni khan an match hmasa berah Arunachal Pradesh chu run 11-in an hneh lo. Arunachal hian bat hmasak thlangin over 50-ah run 209 an siam a, wicket 10 an hloh.

Mizoram tan Lalnunfela chuan a vawm ṭha takzet a, over 10-a vawmah run 37 chiah pein wicket thum a la a, Mizoram bowler ten an batsman-te tana hna awlsam nan an thawk ṭha hle.

Mahse, Mizoram batsman ten bowler chet ṭhat an chhawr thei lo a, over 50-ah run 198 siama wicket sarih hlohin run 11-in an tlawm. Mizo team tan Lalhriatrenga (51 runs) leh Shubham Yadav (68)-te che ṭha mah se an ṭhian dang zingah run 30 vaw kai thei an awm lo a, an team an chhanhim thei bik lo.

Inrinniah Mizoramin beiseina sang tak nen Meghalaya hmachhawn zui mah se an duh ang result an hmu thei lo a, wicket sarihin an mualpho zui.

Mizoram hian Meghalaya lakah bat hmasak thlang mah se over 37-ah wicket an hloh vek a, run 112 chiah an tlin. Meghalaya hian over 23.4-ah wicket thum chiah hlohin an target hi an umpha a, hnehna an chang ta a ni.