Neuer a chawl rei dawn

Bayern Munich captain Manuel Neuer chu a khup dinglam hliam hlawhtling takin zai a ni a, kar 4-6 a chawlh a ṭul ang.

Kum 35 mi Neuer hi Bavarians-in Inrinnia RB Leipzig 3-2 a an hneh ṭumin a khupah hliam a tuar a, Pathianni khan an zai nghal.

Bayern sporting director Hasan Saliha-midzic chuan, "Club chhunga mi zawng zawngin Manuel hi dam thuai turin kan duh a, a dam ṭhat vat pawh kan beisei," tiin a sawi.

Julian Nagelsmann tan Neuer awm lo hi channa lian tak a ni a, Alphonso Davies leh Leon Goretzka te an inhliam bawk avangin tlarhnung rem phui a harsa sawt dawn.

Bayern-in loan hmanga Alexander Nubel an chhuah avangin kum 33 mi Sven Ulreich chu Neuer aiawha ding tur a ni ang.

Bavarians hian kartawpah Vfl Bochum an hmachhawn dawn a, February 16, Nilaini zanah RB Leipzig nen Champions League last 16-ah an inkhel leh ang.