Tevez leh DC United inhnaih

Major League Soccer (MLS) club DC United leh Carlos Tevez-a aiawh te an inbia a, Argentina international striker hlui hian MLS club a zawm dawn niin a lang, inbiakna nei mah se an inrem ngei dawn tih erawh a la chiang chuang lo.

Manchester City leh Manchester United tan pawha khel tawh Tevez hi kum 38 mi a ni tawh, tunah hian club nei loa a awm mek avangin a duh zawng club a zawm thei, football chawlhsan mai chu a la tum lo a ni.

Infiamna website lar The Athletic-in a tarlan dan chuan, player leh club inremna hi 25% chu a fel tawh. Wayne Rooney pawh lo lalut tawh club hian khawvel huapa player langsar ni phak neih leh ngei an tum.

Argentina tana match 76 kheltu Tevez hian a vanglai chuan club ṭha tak tak tan a khel phak. Manchester khaw club pahnih bakah hian Juventus chu a khelhna langsar a ni, Italian club tan hian match 47 aṭangin goal 29 a khung.