Dortmund-in Sule an lalut

Borussia Dortmund chuan Bayern Munich aṭangin free transfer-in Niklas Sule an lalut a, Germany international defender hian season thar aṭangin a khel ṭan ang.

Bayern Munich leh Sule hian contract chungchangah inremna an nei thei lo a, season tawp ruala a contract a tawp dawn avangin January aṭang khan club dang a dawr thei.

Dortmund sporting director Michael Zorc chuan, "Germany defender Sule kan lalut thei hi kan lawm a, kum li contact kan ziahpui theihna hi kan lawmna belhchhahtu a ni," tiin kum li chhung contract an ziahpui thu a sawi.

Sule hian contract a pawtsei dawn lo tih a chian khan Europe club lian Chelsea, Newcastle United leh Barcelona te hming sawi rik a ni a, amaherawhchu German defender hian Bavarians elpui Dortmund a kal a thlang ta zawk.

Kum 26 mi Sule hian Germany tan match 37 a khel tawh a, kum 2017 khan Bayern hi zawmin German champion tan match 159 a, Bundesliga nomawi pali leh Champions League nomawi pakhat a chawi tawh a ni.