England coach thar Collingwood

England chuan mipa cricket team enkawl turin Paul Collingwood chu coach atan an ruat a, March thlaa West Indies nen Test series an khelh aṭangin hna hi a ṭan ang.

Collingwood hian Chris Silverwood a thlak. Kum 46 mi Silverwood hi Ashes-a England-in Australia 4-0 ngawta an hneh loh avangin an ban. Three Lions hian Test captain atan Joe Root an hmang chhunzawm dawn a, Ben Stokes-a'n vice captain hna a chelh ang.

Kum 45 mi Collingwood chuan, "Caribbean-a England team hruai hi ka phur tawh hle. Ashes-a kan chetsual hnuin West Indies lakah insiamṭhatna remchang kan nei. Kan tum chu team ṭha din a ni a, kan hlawhtlin theih nan ka duh dan player-te chiang takin ka hrilh ang," tiin a sawi.

England hian Windies hmachhawn turin February 25 hian Antigua an thleng ang a, Test match vawi thum an khelh tur hi March 1 aṭangin an ṭan ang.