French Open khel lo tur Murray

Andy Murray chuan clay court season a hmang dawn lo tih a sawi chiang. Grand Slam pahnihna French Open a khel dawn lo tihna a ni, a taksa hriselna vanga inkhel rih lo tur a nih thu a sawi.

Kum 34 mi Murray hi a hliam dam hnuah inkhel thei leh tawh mah se beisei a la phak lo. Tuna a lan dan chuan June thla aṭanga khelh tur grass court season lamah kan hmu dawn chauh, tournament a khel lo rei dawn hle.

Grand Slam vawi thum champion tawh Murray chuan, "Nikum ang bawkin clay court season hman ka tum lo. Ka tan chuan clay hi hmun ṭha ber a ni lo, natna neih belh leh ka hlauh avangin chawlh rih ka duh ta zawk.

"Tennis hi clay-ah ka khel dawn tawh miah lo tihna erawh a ni lo, a hunlaia ka dinhmun a zir zelin thutlukna ka siam ang," tiin a sawi a, a vanglai pawha hlawhtlin a harsatna clay a mangṭha hi thil mak a ni hran lo.

Tournament a khelh hnuhnung ber Australian Open-ah khan Murray hi second round-ah a chak lo. February thla laihawla khelh tur Rotterdam Open-ah a inlan ang, inelna hi hard court a khelh tur a ni.