UK leh Ireland ten Euro 2028 an beisei

United Kingdom leh Republic of Ireland football association te chuan football khawmpui lian dawn theih dan tur an ngaihtuah mek a, 2030 World Cup thlen dil ai chuan Euro 2028 thleng ngei tura hma lak an tum.

Tun hnai khan UK prime minister Boris Johnson chuan an tan 2030 World Cup thlen dil a hun thu a sawi, football thuneitu lam pawh an lawm hman hle. Mahse, zirchianna an neih hnuah thil awlsam a ni lo tih an hria.

Sum leh pai, khawtlang nun leh a nghawng theih tur hrang hrang an ngaihtuah a, an tan Euro 2028 thleng thei tura thapui thawh chu ṭha zawk turah an ngai; an thil tum a hlawhtling a nih chuan pawisa pawh an ren lo ang.

England hian 2018 FIFA World Cup thlen kha an lo dil tawh. Captain hlui David Beckham, prince William leh prime minister hlui David Cameron ho khan lo bei mah se an chang lo - Russia ramin a thleng ta zawk a ni.