Milan mualah Lazio

Milan Derby-a chak hlim AC Milan chuan San Siro-ah match an nei zui dawn. Zanin dar 1:30 hian Coppa Italia quarterfinal khel turin Lazio an mikhual dawn a, inkhel hmuhnawm a beisei ngam ang.

Milan hi an tlang a nih chuan tun hnai season li chhunga semifinal an luh vawi thumna tur a ni ang. Lazio erawhin 2018-19 season hnu lamah semifinal an la thleng leh miah lo, an record ṭha lo thaibo turin an kawng a harsa dawn.

Stefano Pioli enkawl Milan hian season hmasa khan uiawm takin Serie A nomawi an chawi lo. Italian manager hian nomawi chawi a duh takzet a, an ban phak tura ngaih cup inelna hi an ngai pawimawh ang.

Kum 56 mi Pioli chuan, "Eng inelna pawh ni se kan ngai pawimawh vek. Quarterfinal a nih tawh avangin team ṭha vek kan ni tawh a, chuvangin kan khelmuala inkhel tur ni mah ila buk rit bik kan awm lo," tiin a ṭang fimkhur hle.

Coppa Italia - Quarterfinal

February 9, Nilaini
AC Milan 01:30 AM Lazio
Atalanta 10:30 PM Fiorentina

February 10, Ningani
Juventus 01:30 AM Sassuolo