Ballon d'Or: Hming chhawpchhuah a ni ta

Khawvela footballer ṭha ber hnena pek ṭhin Ballon d'Or chawimawina dawng thei tur hming 30 chu nizan khan chhawpchhuah a ni ta a, he thu buatsaih a nih thleng hi chuan hming 15 puanchhuah a ni.

He chawimawina sem chhuaktu France Football chanchinbu chuan nizan khan he chawimawina dawng thei tur player hi panga zelin 'alphabetical order' a indawtin a puang chhuak a, he thu buatsaih a nih lai hian FIFA Player of the Year Luka Modric, Lionel Messi leh Mohamed Salah-te hming chu puanchhuah zingah an la tel lo.

Ṭum dang ang bawkin Juventus forward Cristiano Ronaldo hming a langsar a, vawi tam Ballon d'Or chawimawina dawn a phu thu sawitu Antoine Griezmann hming pawh a lang a, goalkeeper hming pahnih lang tawhin Liverpool keeper Alisson leh Real Madrid keeper Thibaut Courtois te an ni.

Ballon d'Or chawimawina hi December 3-ah semchhuah tur a ni dawn a, a vawi khat nan hmeichhe footballer thiam ber thlangin Ballon d'Or pekchhuah ve a ni bawk ang.

Kum 2008 hnua Ballon d'Or dawngtu
2008 Cristiano Ronaldo Lionel Messi Fernando Torres
2009 Lionel Messi Cristiano Ronaldo Xavi
2010 Lionel Messi Andres Iniesta Xavi
2011 Lionel Messi Cristiano Ronaldo Xavi
2012 Lionel Messi Cristiano Ronaldo Andres Iniesta
2013 Cristiano Ronaldo Lionel Messi Franck Ribery
2014 Cristiano Ronaldo Lionel Messi Manuel Neuer
2015 Lionel Messi Cristiano Ronaldo Neymar
2016 Cristiano Ronaldo Lionel Messi Antoine Griezmann
2017 Cristiano Ronaldo Lionel Messi Neymar
Note: Hming hmasa ber zel hi a dawngtu an ni a, pahnihna leh pathumnain an dawt.

# Hming Position Ram Club
1 Sergio Aguero Forward Argentina Manchester City
2 Alisson Goalkeeper Brazil Liverpool
3 Gareth Bale Forward Wales Real Madrid
4 Karim Benzema Forward France Real Madrid
5 Kevin de Bruyne Midfielder Belgium Manchester City
6 Edinson Cavani Forward Uruguay Paris St-Germain
7 Thibaut Courtois Goalkeeper Belgium Real Madrid
8 Roberto Firmino Forward Brazil Liverpool
9 Diego Godin Defender Uruguay Atletico Madrid
10 Antoine Griezmann Forward France Atletico Madrid
11 Eden Hazard Forward Belgium Chelsea
12 Isco Midfielder Spain Real Madrid
13 Harry Kane Forward England Tottenham
14 N'Golo Kante Midfielder France Chelsea
15 Cristiano Ronaldo Forward Portugal Juventus