DC United tan Rooney a vul

Wayne Rooney chuan Pathianni khan DC United tan goal hnih a khung a, Chicago Fire chu 2-1 in an lehthal.

English forward Rooney-a'n Major League Soccer a pan hian DC United hi Eastern Conference-ah table mawngphahah an awm a, season ṭantirh match hmasa 12 aṭangin vawi hnih chiah an chak.

Rooney awm hnuah DC United-in harhtharna an chang a, tunah hian match 30 khel tawhin vawi 11 an chak a, point 41 hmuin playoff khel pha china awm Montreal Impact aiin point hnihin hmu tlem mah se match hnihin an khel tlem.

England leh Manchester United tana goal khung tam ber record chelhtu Rooney hian match 16-ah goal kua a khung tawh a, DC United hian goal 55 khung tawhin 2007 hnua league an khung tam ber ṭum a ni der tawh a ni.