Del Potro hnehtu Basilashvili a champion

Georgia tlangval Ni­koloz Basilashvili chuan amah aia rinkai leh player ṭha zawk Juan Mar­tin del Potro chu straight set a hnehin China Open nomawi a chawi.

World number 34 Basilashvili hian dar­kar khat leh minute 40 chhungin 6-4, 6-4 in hnehna a chang. US Open finalist Del Potro hi seeded pakhatna niin champion tura ngaih a ni a, mahse set pahnihah hian ṭum khat ve ve a service a hloh avangin a tlawm zawkah a ṭang.

ATP chuan tunkar chhungin ranking a ti chhuak leh dawn a, Basi­lashvili hi 34-na aṭangin 23-naah a kaisang ang. ATP Finals khel turin tling phak tawh dawn lo mah se ranking sang tak nei chunga season khar hi atan kum bul ṭan leh nan a duhawm hle.