Vettel hian zah a phu - Hamilton

Lewis Hamilton chuan Formula 1 title a chuhpui lai Sebastian Vettel-a'n sawiselna a tawh nasat zia a hai lo a, a elpui driver hian zah a phu ni a, a hriat thu a sawi chhuak.

Mercedes driver Hamilton hian Austin, Texas-ah hnehna a chang a nih chuan a vawi nga nan a champion thei tawh dawn a, hma taka nomawi chawi thei dinhmuna a din chhan hi a elpui Vettel leh a team Ferrari ten tihsual an neih fo vang a ni.

Britain tlangval Hamilton chuan, "He­tiang dinhmuna ding tur hian eng ang taka harsa nge paltlang ngai tih hi mi tam takin an hre lo ang. Mihring kan nih chuan tihsual leh a fuh lo lai chu a awm thei, hei vang hian Vettel hi dem ngawt theih a ni lo. A sulhnu hi ngun takin en ula, zah a phu a ni," tiin a sawi.