Mizoram U19 an chak

Vinoo Mankad Tro­phy Under 19 One Day Limited Overs Zonal League khelh mekah Mizoram U19 chuan an match thumnaah hnehna an chang ve leh ta a, nimin khan Puducherry chu run khatin an hneh.

Nimin inkhelah hian Mizoram an bat hma­sa zawk a, opener Atul Singh (30 runs) leh Lalhriatrenga (51) te an che ṭha nghal a, Subham Yadav chuan run 32 siam ve bawkin over 48.4-ah an vaia out vekin run 170 an tlin.

Puducherry bat hun a thleng a, Mizo bowler an ngam lo. Over 44.5-ah an out vek a, run 169 chiah tlinin Mizoram an chak.

Mizoram hian Zir­tawpniah Sikkim an hma­chhawn leh ang.