Nadal a sang chhunzawm
Rafael Nadal chuan season tir lam a hman ṭhat a chhawr chhunzawm zel a, Spain tlangval hian US Open hnuah inelna la hmachhawn leh lo mah se ATP ranking chhuak tharah amah khum thei an la awm lo.
Grand Slam vawi 17 champion tawh Nadal hnungah hian Roger Federer a awm a, Wimbledon leh US Open champion kawp thei Novak Djokovic pawhin hma sawn zelin pathumna a ni.
A sang zual 10 zingah player an insiksawi tam lo, South African star Kevin Anderson chu pakuana aṭangin pariatnaah a kaisang a, Georgia tlangval Nikoloz Basilashvili chu hmasawn nasa ber a ni thung.
China Open khelh zawh takah khan seeded pawh chang phak lo chungin Basilashvili hian world number 4 Juan Martin Del Potro hnehin nomawi a chawi a, hei vang hian 23-na aṭangin 11-naah a kaisan theih phah a ni.
ATP Ranking Thar
# Player Ram Points
1 Rafael Nadal ESP 8260
2 Roger Federer SUI 6900
3 Novak Djokovic SRB 6445
4 Juan Martin Del Potro ARG 6130
5 Alexander Zverev GER 4755
6 Marin Cilic CRO 4535
7 Dominic Thiem AUT 3825
8 Kevin Anderson RSA 3640
9 Grigor Dimitrov BUL 3620
10 John Isner USA 3380