Winter Olympic thlen duh pathum

Summer Olympic angin ngaihhlut hlawh tawk lo mah se Winter Olympic pawh sawi nep theih a ni lo a, thlasik laia in­fiamna khawmpui lian thlen chak an tam. Italy, Canada leh Sweden te chu 2026 Winter Olym­pics thlen tumin an inel mek.

Italy khawpui Milan leh resort pakhat Cortina d'Ampezzo chuan inthlenṭawm an tum a, anni el tur hian Calgary leh Stockholm te pawhin thapui an thawh ve bawk. Olympic thleng tur hi International Olympic Committee-in vote hmanga a thlan tur a ni ang.

IOC chuan nakkum March leh April thla hian ram pathum khawpuite hi a tlawh kual dawn a, June 23 hian a thleng tur tak chu vote hmangin an thlang dawn. IOC president Thomas Bach chuan, "Khawpui pathum hi an duhawm a, min ti phur hle," a ti.

Kumin kumtir khan South Korea-ah Winter Olympic hi neih a lo ni tawh a, 2022 chuan China khaw­pui Beijing-ah neih a ni leh ang.