Ronaldo tel loin Portugal

Zanin dar 12:15-ah Portugal-in UEFA Nations League an khel dawn a, an thiampuipa Cris-tiano Ronaldo tel loin League A-ah Poland chu khualmualah an lenchilh ang.

Ronaldo awm loh hlanin Andre Silva chu tlarhmaa Portugal innghahna ni tura beisei a ni. Kum 22 mi striker hian season hmasa khan AC Milan-ah hun duhawm lo tak a hmang a, Sevilla-ah loan-a kaltir a ni.

Spanish La Liga lamah a hming chherin league match sarih a khelh tawhah goal sarih a khung a, Poland tlarhnung lam tan ven uluk a ngai khawp ang.

Ronaldo tel loh chhan hi tun hnaia pawngsual thubuai a neih avanga chawlh hahdamna hun peka ngaih a ni a, Portugal coach Fernando Santos chuan, "Nakinah chuan Ronaldo hi chawlhtir mai mai a ni tawh lo ang," a ti.

Hetihlai hian Poland captain Robert Lewan-dowski tan Por-tugal laka an inkhel hi mellung pawimawh phunna hun remchang a ni a, a inlan a nih chuan ram tana match 100-a khelhna chiah a ni ang.

Bayern Munich striker hian tun season-a match 10-a khelh tawhah goal riat a khung leh der tawh a, Portugal lakah goal khung chunga ram tana a match 100-na lawm a duh dawn.