Monaco-in semifinal lut

Thawhlehni zan khan AS Monaco chuan Amiens 2-0 a hnehin French Cup semifinal an lut, goal pahnih hi Aurelien Tchouameni leh Kevin Volland ten chawlhlawk hma leh second half-a an khung a ni.

Nizan khan quarterfinal match pathum khelh chhunzawm niin, result erawh kan hre hman lo. French Cup-ah hian champion lai Paris Saint-Germain chu Nice hneh loin last 16-ah an zinkawng a lo tawp tawh.

Season hmasa khan Monaco hian final an lut, mahse PSG an ngam lo. Kuminah hian 1991 hnua a vawi khat nan French Cup champion nih an beisei leh mek, nomawi chawi tur erawhin match hnih chak an la hmabak.