FIFA Club World Cup ; Palmeiras-in Al Ahly hnehin final an lut

Copa Libertadores champion Palmeiras chuan Thawhlehni zan khan Al Nahyan Stadium, Abu Dhabi-ah African champion Al Ahly 2-0 a hnehin FIFA Club World Cup final an lut. Brazilian club tan hian Raphael Veiga leh Dudu ten goal an khung.

Palmeiras leh Al Ahly te an inkhel tawk a, goal hmaah Brazilian club an hriam. Minute 39-naah Dudu pass ṭha chu Brazilian forward Veiga-a'n kawh zetin goal kilah a pet goal.

Abu Dhabi-a inkhelah Dudu a langsar a, goal hmahruai siamsaktu Brazilian midfielder hian minute 49-naah ṭha zeta a lakluh hnuah goal ṭha bik a khung.

Egyptian club substitute Mohamed Sherif-a'n Palmeiras keeper Weverton tihsual zar zoin goal a khung a, mahse VAR hmanga ennawn hnuah Sherif hi a offside avangin goal-ah pawm a ni lo.

Minute 81-naah Al Ahly defender Ayman Ashraf chuan mawlmang takin Rony a tlawh a, referee-in yellow card pe zet mah se VAR hmanga an ennawn hnuin Eygptian defender hi hnawhchhuah a ni.

Palmeiras-in an club history-a a vawi khat nan final an lut a, February 12, Inrinni zanah Al Hilal leh Chelsea inkhela chak zawk nen nomawi an inchuh ang.

FIFA Club World Cup - Thlirna Tawi
First Round - February 3, Ningani
Al Jazira 4–1 AS Pirae
ALJ : Zayed Al-Ameri 5'; Ahmed Al-Attas 25'; Milos Kosanović 41'; Abdoulay Diaby 63'
ASP : M'hammed Rabii Rabii 48' (OG)
Second Round
February 5, Inrinni
Al Ahly 1 - 0 Monterrey
ALA : Mohamed Hany 53'
February 5, Pathianni
Al Hilal 6 - 1 Al Jazira
AlH : Odion Ighalo 36'; Matheus Pereira 40'; Mohamed Kanno 57'; Salem Al-Dawsari 77'; Moussa Marega 88'; Andre Carrillo 90+2' (pen.)
AlJ : Abdoulay Diaby 14'
Semifinal
February 8, Thawhlehni
Palmeiras 2 - 0 Al Ahly
PAL : Raphael Veiga 39'; Dudu 49'
Nizan Inkhel - Result kan hre hman lo
Al Hilal 10:00 PM Chelsea
February 12, Inrinni
Third Place
Al Ahly 6:30 PM Al Hilal/Chelsea
Final
Palmeiras 10:00 PM Al Hilal/Chelsea