Haaland-a'n thutlukna a siam dawn - Rose

Borussia Dortmund manager Marco Rose chuan Erling Haaland-a'n thutlukna a siam tur thu a sawi a, German club-in Norwegian striker tel loa an inpeih a ṭul tur thu a sawi.

Kum 45 mi Rose chuan, "Erling chungchangah chuan indawr turin club an inpeih a, tute pawh an lang tlang vek. Haaland hian engtik niah emaw chuan thutlukna a la siam dawn a, a chhuak ta a nih pawhin a tel loa khel tura kan inpeih a ṭul," tiin a sawi.

Norwegian striker Haaland hian Dortmund-ah kum 2024 thleng contract a nei a, amaherawhchu tun nipui transfer aṭang hian a release clause euro maktaduai 80 chu a nung ṭan dawn niin an sawi.

Kum 21 mi Haaland hian Bundesliga match 57-ah goal 56 a khung thei a, Champions League-ah pawh goal 20 khung turin match 14 chauh a mamawh. Norwegian striker hi a record ṭha zet avang hian euro maktaduai 80 chuan Europe club lian chin chuan an duh vek dawn a, release clause hi a nei tak tak a nih chuan Dortmund tan chelh ngaihna a awm lo ang.