Germany-ah NFL khel dawn

National Football League chu American football tihlar nan an inphar zau zel a, regular season khelhna tur zingah Germany a tel a, Munich leh Frankfurt-ah inelna hi neih a ni ang.

Germany-ah hian season tinin match khat khat zel kum 2025 thleng khelh a ni dawn. 2022 Season match khat hi Bayern Munich stadium Allianz Arena-ah khelh a ni ang a, nakkumah Frankfurt stadium Deutsche Bank Park-ah khelh a ni thung ang.

Tun season NFL match nga hi United States pawnah khelh a ni dawn a, Munich bakah hian London-ah match thum khelh a ni ang a, Mexico-ah match khat an khel ang. Kumin hi Germany-a NFL an khelhna hmasa ber tur a ni.

London-a match thum khelh tur hi Wembley Stadium leh Tottenham Hotspur Stadium-ah khelh a ni dawn a, Spurs khelmualah hian match hnih khelh a ni ang.