India-in series an la

India chuan Thawh-lehni khan West Indies chu Narendra Modi Stadium-ah 44 runs-in an hneh a, ODI match thum khelh turah vawi hnih an chak tak avangin series an la chiang tawh. ODI match thumna hi vawiin tlai dar 1:30 hian Ahmedabad-ah bawk khelh a ni ang.

West Indies-in vawm hmasak an thlang a, India captain Rohit Sharma (5) leh top order-a awm Rshabh Pant (18) leh Virat Kohli (18) te an che ṭha tawk lo. KL Rahul (49) leh Suryakumar Yadav (64) te zarah dinhmun ṭhaah an awm a, Washington Sundar (24) leh Deepak Hondo (29) te puihnain 237/9 runs an tlin hram.

Men in Blue-in target an chhawp sang tawk lo a, chak turin bowler chet ṭhat a ngai. Kum 25 mi Prasidh Krishna a rawn inlar a, Bengaluru tlangval hian ODI match li a khelhnaah 12 runs chauh pein wicket li a la a, man of the match-ah an thlang.

Captain Rohit-a'n bowler-te a chhawr danah fak a phu a, Prasidh Krishna bakah bowler dang an che ṭha. Inkhelh banah Rohit chuan, "KL Rahul leh Suraykumar Yadav ten mual chhungah mawhphurhna an la thei tih an lantir a, Deepak Honda pawh a rawn che ṭha. Rishabh Pant kan luhtir hma nachhan chu thil thar enchhin kan duh vang a ni," tiin a sawi a, ODI match hnuhnung berah Shikhar Dhawan a inlan tur thu a sawi bawk.