IFFHS awards pali dawngtu Lewy

Bayern Munich forward Robert Lewandowski chuan International Federation of Football History & Statistics (IFFHS) awards pali ngawt a dawng a, a hlawhtlinna hi a ropui hle.

Kum 33 mi Lewy chawimawina dawnte world best player, world best top division goalscorer, world best international top scorer leh world best top scorer te an ni a, kum khata chawimawina pali dawng thei hmasa ber a ni.

Polish striker Lewy chuan, "Kum khat chhunga IFFHS chawimawina pali dawng thei hmasa ber ka ni hi ka lawm hle. Kan football zin kawnga min ṭawiawmtu zawng zawngte chungah lawmthu ka sawi," tiin a sawi.

Nikum December 2021 khan Lewandowski-a'n chawimawina a dawn tur thu hi tarlan a ni tawh a, kumin February thlaah lawmman hi pek a ni chauh.