En bik hlawh tur Martial

Zanin dar 1:30 hian La Liga pahnihna Sevilla-in Elche an mikhual dawn. Sevillistas hian an match hnung berah an player Anthony Martial chhawr chungin Osasuna nen goal awm loin an inhnehtawk a, hmahruaitu Real Madrid nena an inkar tizim turin zanin an chak hi a pawimawh hle.

Osasuna an hma-chhawn ṭum hian Martial a khel ṭha lo a, a chanchinin sawizui a hlawh. Minute 15 khelh tur a la awm tihin French forward hi an thlak.

Sevilla manager Julen Lopetegui chuan, "Martial aṭang khan kha aia ṭha kha kan beisei. Kan team tana khel turin a insiamrem vat a ṭul a, kan khelh dan phung a hriatchian a ṭul. Chutihrualin a insiamrem theih ngei pawh ka ring," tiin a sawi.

Zanin inkhelah Martial hi en bik tur a ni a, French forward hian Juventus leh Barcelona te sawmna hnarin La Liga club hi a sawm. Martial chuan, "Barcelona-in ka agent an bia a, Juventus pawhin min lak tumin hma an la. Mahse ka duh thlanna chu Sevilla a ni a, hmun pawimawh ka chan theihna tur hi ka ngai pawimawh a ni," tiin a sawi a, Elche lakah pawh bul a ṭan ngei a rinawm.