Murray-a'n chakin bul a ṭan

Andy Murray chu Nilaini zan khan Rotterdam Open-ah a inlan a, a match hmasa berah Alexander Bublik chu 7-6 (7-5), 6-4 a hnehin second round a in hlangkai.

Britain tlangval hian beisei a la phak thei lo, set khatna an khelh lai phei chuan thinrim vangin a racquet a paih hial. Mahse, harsa taka set a lak hnuah a khel ṭha chhunzawm a, a hnu lamah harsatna lian tham a tawk tawh lo.

Grand Slam vawi thum champion tawh Murray chuan, "Hma lam ka thlir tlat tur a ni," tiin a sawi. Murray hian clay court season a hman loh tur thu a sawi chiang tawh a, hard court inelna zawhah chuan June thla a khelh tur grass court season a nghak tawh ang.