Blazers lakah Lakers an tlawm

Portland Trail Blazers chuan chak ni hmel an hmu ve leh ta, an hneh chu Los Angeles Lakers an ni. A zawna match ruk ngawt tlawm tawh Blazers hian LeBron James awmna team hi 107-105 in an hneh.

Anfernee Simons leh Jusuf Nurkic te pahnihin point 48 ngawt an thawk chhuak a, an chakna hnar pawimawh an ni. James-a'n mimalin point 30 nei mah se Lakers chhandam nan a tawk zo chuang lo.

Lakers hi an match hnuhnung pariatah vawi ruk ngawt an tlawm, champion sawi ngam tur an ni rih lo - playoff khelh phak hram chu an tum hmasak tur a ni ang. Russell Westbrook awm loh niah Anthony Davis a che ṭha tawk lo bawk.

Nimin zing inkhel dangah Utah Jazz chuan Golden State Warriors kaltluang lai an titawp. A zawna match kua ngawt hnehna chang tawh Warriors hi 111-85 in an chak lo - Jazz player paruk ngawtin point 10 an nei tling a, thawhhona ṭha hmangin team ṭha zawk an hneh.

NBA - Nimin Results
San Antonio Spurs 92 - 105 Cleveland Cavaliers
Chicago Bulls 121 - 109 Charlotte Hornets
Toronto Raptors 117 - 98 Oklahoma City Thunder
Golden State Warriors 85 - 111 Utah Jazz
Los Angeles Lakers 105 - 107 Portland Trail Blazers
Minnesota Timberwolves 119 - 132 Sacramento Kings