Mizoram Hockey U17 hmeichhia chak lo

Hockey India hnuaia hmeichhe kum 17 hnuai lam inelna, 25th Charanjit Rai Nehru Hockey Tour­nament for Girls semifinal chu nimin khan khelh a ni a, Mizoram U17-in final an lut zo lo.

Govt. Lallengvunga High School, Thenzawl hminga feh chhuak Mizoram hian Khalsa College Sr. Secondary, Amritsar chu 2-0 in an ngam lo a ni.

Mizoram hian pool match-ah Delhi chu 6-0 a an sawp hnuin Gujarat chu 21-0 in an hneh leh a, Super League in­hlangkaiin Maharashtra chu 2-2 a inhnehtawkpuiin Odhisa chu 4-3 in an hneh leh a, semifinal-ah erawh an vanduai. Vawiin zing dar 10:15 hian Chandigarh nen bronze medal an inchuh leh ang.

Mizoram manager Lalzawnchhungi chuan, "Inkhel kan thunun a, hnehna chan phu zawk ni mah ila goal-ah kan vanduai a ni," tiin Vanglaini a hrilh.