Putin-a'n Khabib a pa a ngen sak!

Russia president Vladimir Putin chuan UFC fighter Khabib Nurm-agomedov-a pa chu a fapain Conor McGregor-a hneh hnu lawka buaina a siam chungchangah hrethiam turin a dil sak a, hrem na lutuk lo turin a hrilh!

Nurmagomedov hian UFC world lightweight kawnghren a kawl lai humhim turin McGregor chu Las Vegas khawpuiah a hneh a, a hnu lawkah buaina siam zuiin sawi a hlawh hle.

He buaina avang hian Nurmagomedov-a pa Abdulmanap Nurma-gomedov chuan a fapa chet dan hi na taka demin, "Octagon chhungah chuan eng pawh i ti thei, mahse pawn lamah chuan naupang, hmeichhia leh midang tam tak an awm a ni.

"Lo haw se la, UFC-in an hremna tur chu ka hnen aṭanga hremna a tawrh tur aṭanga teh chuan a nep khawp ang," a lo ti tawh.

Mahse, Russia president Putin chuan an pafaa a kawmnaah, "I fapa hi na taka hrem lo turin ka ngen che a ni," a ti a, an ram ti hmingṭhatu fighter a chhan.