Thawhṭanni zingah Super Bowl LVI

Super Bowl vawi 56-na chu February 14, Thawhṭanni zing dar 5:00-ah Cincinnati Bengals leh Los Angeles Rams ten an khel dawn.

Los Angeles hi chak zawk tura rin an ni a, anni hian kum 1999 khan quarterback Kurt Warner hoin Super Bowl-ah hnehna an chang tawh. Hetihlai hian St. Louis Rams tih an ni a, Los Angeles-a an innghah hnuah tun hi Super Bowl vawi thum an thlenna a ni.

Cincinnati Bengals tan tun hi ṭum thum Super Bowl an khelhna tur ni mah se an khelh hmasak ṭum hnihah an chak zo lo ve ve.

Rams quarterback hi kum 34 mi Matthew Stafford a ni a, NFL Draft 2009-a number 1 pick a ni. Bengals quarterback hi kum 25 mi Joe Burrow a ni a, NFL Draft 2020 number 1 pick a ni ve thung.