Telles-a'n training a zawm

Manchester United-in zanin dar 6:00 hian Southampton an mikhual dawn. Saints hian kar laihawlah Tottenham Hotspur 3-2 in an lehthal a, Ralf Rangnick-a hote erawh table mawngphaha awm Burnley nen an inhnehtawk.

Man United tana thu lawmawm chu Alex Telles-a'n training a zawm tawh a, Fred erawh Covid-19 vangin a la khel thei dawn lo. Clarets lakah Cristiano Ronaldo bench-ah a awm a, Portugal captain hi match zawnin bench-ah a awm a rinawm loh.

Southampton erawh tun hnaiah squad an siksawi ṭha hle. Kar liam ta khan FA Cup-ah Coventry chu 2-1 in an hneh a, Spurs an hneh ṭumin James Ward-Prowse chiahin bul a ṭan nawn.

Manager Ralph Hasenhutl chuan, "Starting eleven-ah player 10 hlawk kan thlak thei ang a, tun ang hunah hian squad neih chhah hi a hlu hle. Season liam taa kan team nen chuan kan danglam tawh a, manager nih pawh a nuam," tiiin a sawi a, mahni muala khel tur Man United tan point thum hlawhchhuah a harsa dawn.