Rilru paukhauh a ngai - Conte

Tottenham Hotspur manager Antonio Conte chuan a naute chu rilru ti paukhauh zual turin a duh. Spurs hian an match hnuhnung bera Southampton an hneh loh ṭumin hun tawp dawnah goal hnih an chhuah.

North London club hian Pathianni zan dar 7:30 hian Premier League khel turin Wolves an mikhual zui nghal dawn. Season thara Champions League khelh an duh a nih chuan insiamṭhat nghal an mamawh ang.

Conte chuan, "Hmasawn kan duh a, sang tak thlen kan duh a nih chuan holam taka goal chhuah a rem lo. Nghelnghet leh tluang taka result ṭha neih a pawimawh a, tluk leh din fawma kal kawp chu a rem lo," tiin a sawi.

Tun hnaiah Harry Kane chuan Conte kaihhruaina hnuaiah hma an sawn thu a sawi a, chutihrualin Italian manager duh anga khel chhuak tur chuan hmabak an la ngah, an chak ṭum pawhin an chak deuh hram zel chauh a la ni.