Bilbao leh Valencia inhnehtawk

Athletic Bilbao-in Real Madrid leh Barcelona an petchhuah theih avangin ngaihven hlawh mahse, Copa del Rey quarterfinal first leg-ah an chak zo lo a, an mikhual Valencia nen 1-1 in an inhnehtawk.

Bilbao hian minute 37-naah Raul Garcia hmangin goal hmahruai an khung a, Iker Muniain-a free kick aṭanga ball kal chu Raul hian a tauh lut.

Valencia tan Totten-ham Hotspur aṭanga loan-a an hawh, Bryan Gil-a shot per lehlam aṭanga ball kal chu Hugo Duro chuan minute 65-naah khungin si phurh a sut a, hun tawp thlengin goal dang a lut lo.

Mikhual team forward Maxi Gómez chu khelmualah inlan lo mah se buaina chhuakah a lo tui fal deuh a, red card pek a nih avangin semifinal second leg-ah a inlan thei lo ang.

Copa del Rey Semifinal
First Leg
February 9, Nilaini Zan
Rayo Vallecano 1 - 2 Real Betis
RAY: Alvaro Garcia 5'
REB: Borja Iglesia 26'; William Carvalho 68'

February 10, Ningani Zan
Athletic Bilbao 1 - 1 Valencia
ATH: Raul Garcia 37'
VAL: Hugo Duro 65'

Second Leg
March 2, Nilaini Zan
Valencia 1:30 AM Athletic Bilbao

March 3, Ningani Zan
Real Betis 1:30 AM Rayo Vallecano
*Away goal rule hman a ni lo