Bucks aia thiam Suns

NBA regular season kal laiah chuan Phoenix Suns hi team ṭha bera chhal ngam an ni. Nimin zing inkheleh Suns hian NBA champion lai Milwaukee Bucks chu 131-107 in an sawp a, tun hnaiah a zawnin vawi li an chak leh ta.

Team dang aia Suns danglamna chu an thawhhona ṭha leh rinrawl bik an nei lo hi a ni. Bucks lakah pawh player pasarih ngawtin point 10 chuang an nei thei a, an khingpui tan tu ber nge ven tur hriatthiam a harsa ṭhin.

Bucks erawh Giannis Antetokounmpo leh Khris Middleton te an chet ṭhat loh chuan chak an harsat ṭhin; Eastern Conference lamah pawh palina an ni phak hram a, playoff khel turin an dinhmun ṭha mah se season hmasa an boruak an phak lo rih hle.

Nimin zing inkhel dangah Golden State Warriors chu New York Knicks lakah 116-114 in an chak lo. Golden State hi an match hnuhnung pahnihah an tlawm a, an elpui Suns an chak zel avangin Western Conference lamah chuan Phoenix hian hma an hruai tlang a rinawm ta hle.

NBA - Nimin Results
Memphis Grizzlies 132 - 107 Detroit Pistons
Brooklyn Nets 112 - 113 Washington Wizards
Miami Heat 112 - 97 New Orleans Pelicans
Toronto Raptors 139 - 120 Houston Rockets
Los Angeles Clippers 105 - 112 Dallas Mavericks
Milwaukee Bucks 107 - 131 Phoenix Suns
New York Knicks 116 - 114 Golden State Warriors