Bayern keeper tan fiahna

Zanin dar 8:00 hian Bayern Munich-in Bochum an hmachhawn dawn a, Bundesliga champion-in captain leh goalkeeper Manuel Neuer hliam vangin an chhawr thei dawn lo. Neuer thachhang dawl tur hi Sven Ulreich ni turah a ngaih theih a, chutihrualin German keeper hi kartir lam kha chuan Covid-19 vangin a dinhmun a chiang lo.

Bavarians hian Bochum hi an hmachhawn hmasak zawk ṭumin 7-0 in an hneh a, tun ṭumah pawh point thum hmuh a harsat a rinawm loh. Julian Nagelsmann hote hian February 16, Nilaini zanah Champions League last 16-ah RB Salzburg an hmachhawn dawn. Bochum nena an inkhel tur hi Ulreich tan UCL atana inpuahchahna ṭha tak a ni thei ang.

Bayern hi Covid-19 leh hliam vangin an buai mek. Bochum lakah hian Jamal Musiala, Alphonso Davies leh Leon Goretzka te an chhawr thei dawn lo.