Brentford khelmualah Eriksen

Brentford-in Inrinni zan khan an mual Brentford Community Stadium-ah Crystal Palace an mikhual a, 0-0 in an inhnehtawk. Inkhelh hmain player thar Christian Eriksen phochhuah a ni a, Bees ṭantute lawm a hlawh hle.

Kum 29 mi Eriksen chuan, "A danglamna engmah in hmu lo ang. Player emaw mimal ang emaw pawhin lo hlauthawng suh u, ka ṭha e," tiin a sawi.

Danish midfielder hi Euro 2020 khan Denmark leh Iceland inkhelh ṭumin nikhaw hre loin khelmualah a tlu a, hemi hnu hian Eriksen-a'n competitive match a la khel leh lo. Bees tan hian tun season tawp thleng contract a ziak a, a inlan thuai beisei a ni.