Lakers ngamtu Warriors

Nimin zingah NBA inkhel hmuhnawm bik chhawpchhuah a ni. Player langsar leh ṭha tak tak inlan zinga langsar ber chu Klay Thompson niin, a team Golden State Warriors chu Los Angeles Lakers lakah 117-115 in hnehna a chanpui.

Lakers hian LeBron James, Anthony Davis leh Russel Westbrook te an thawhchhuahpui a, hmachhawn châkawm lo tak an ni. Mahse, Golden State lam pawhin Stephen Curry, Thompson leh Andrew Wiggins te an nei ve tho.

Draymond Green erawh hliam vangin GSW tan a la inlan thei lo. Team pahnih an inkhel tawk takzet a, hmahruai fal thei pawh an awm meuh lo; an in chungnun chhawk zak zak a ni ber.

Lakers hi hun tawp dawnah an sang zawk a, chak tlang tur angin an lang hman. Mahse, Golden State thiampuipa Thompson-a'n point 33 a neih zinga point kua chu hun tawp dawn lama a neih a ni, hun pawimawhah 3-points vawi thum vawm lutin a team a chakpui.

NBA - Nimin Results
Memphis Grizzlies 125 - 118 Charlotte Hornets
Sacramento Kings 123 - 110 Washington Wizards
San Antonio Spurs 124 - 114 New Orleans Pelicans
Cleveland Cavaliers 93 - 103 Philadelphia 76ers
Denver Nuggets 110 - 109 Toronto Raptors
Brooklyn Nets 111 - 115 Miami Heat
Oklahoma City Thunder 101 - 106 Chicago Bulls
Los Angeles Clippers 99 - 97 Dallas Mavericks

February 12, Inrinni
Cleveland Cavaliers 120 - 113 Indiana Pacers
Oklahoma City Thunder 87 - 100 Philadelphia 76ers
Charlotte Hornets 141 - 119 Detroit Pistons
San Antonio Spurs 136 - 121 Atlanta Hawks
Denver Nuggets 102 - 108 Boston Celtics
Minnesota Timberwolves 122 - 134 Chicago Bulls
Orlando Magic 99 - 114 Utah Jazz
New York Knicks 103 - 112 Portland Trail Blazers