India 3-0 West Indies

India chuan mikhual West Indies lakah 3-0 in series an la. ODI match hnuhnung ber hi Zirtawpni khan Narendra Modi Stadium-ah khelh a ni a, Men in Blue hi 96 runs in an chak.

Captain Rohit Sharma-a'n bat hmasak a thlang a, over 50-ah 265 runs an siam. Windies tan target hi umphak theihah ngaih ni mah se 169 runs an siam tihin an thi fai vek. India tan hian Shreyas Iyer chuan 80 runs siamin man of the match-ah thlan a ni a, player of the series-ah Prasidh Krishna an thlang.

Prasidh Krishna hian match hmasa berah wicket hnih lain 29 runs a pe a, match hnihnaah wicket li lain 12 runs chauh a pe a, man of the match-ah an thlang. Match tawp berah hian Krishna hian wicket thum a la a, 27 runs a pe bawk.

India leh Windies hian T20 match thum an khel chhunzawm leh dawn a, match hmasa ber hi February 16, Nilaini zan dar 7:30-ah an khel ang.